Yazarlar

Yazarlar (6)

 

دوران کاڵکان ئەندامى کۆمیتەى بەڕێوەبەریى پارتى کرێکارانى کوردستان (پەکەکە) میوانی بەرنامەى " Ulkeden – ئولکەدەن"ی کەناڵی ئاسمانیى مەدیا هەبەر بوو و شیکاریى بۆ بابەت و پێشهاتەکانی رۆژ کرد.

 

کاڵکان لە سەرەتای وتەکانیدا، بە رێزەوە سڵاوی بۆ لەیلا گیوڤەن، ناسر یاگز، بەرخودێرانى زیندانەکان و شۆڕشگێڕە وڵاتپارێزەکانى دەرەوەى وڵات، کە لە چالاکیى مانگرتندان، نارد. کاڵکان رایگەیاند، بە دڵنیاییەوە بەرخودێرەکان سەردەکەون.

 

ئەوەى کەنعان ئەڤرەن دەیخواست ئەنجامی بدات، ئەردۆغان کردی

 

دوران کاڵکان راشیگەیاند، بزووتنەوە و گەلی کوردستان لە قۆناغ و پرۆسەیەکى مێژووی و بەرخودانێکى گەورەدایە. ئەوەتا مانگرتنە گەورەکە ١٠٠ رۆژی تێپەڕاندووە. ئەو ١٠٠ رۆژە چۆن تێپەڕی، هەر کاتژمێرێکى، هەر چرکەساتێکى چۆن تێپەڕی؟ لەیلا گیوڤەن ١٠٠ رۆژە خانە بە خانە، گردیلە بە گردیلەى جەستەى دەتوێتەوە، بەڵام چۆن بەرخودان دەکات؟ بێگومان هەموومان ئەوە باش دەزانین، بەڵام پێویستە باشتر لێى تێبگەین. ئەگەر ئامانجێکى گەورە بوونی نەبێت، ئەگەر ئیرادە و بڕوایەکى گەورە نەبێت، ئەگەر داوایەکى گەورە بۆ ئازادی نەبێت، نەک ١٠٠ رۆژ، بەڵکو مرۆڤ ناتوانێت ١٠٠ خولەک بەو شێوەیە بەرخودان بکات. ئەوە بۆ بابەتە ئاساییەکان روو نادات، چونکە ئەوە کارێکى ئاسان نییە".

 

کاڵکان ئەوەشی وت، چالاکیى مانگرتن کاریگەرترین بەرخودانى مرۆڤایەتییە و ئەگەر ئیرادە و بڕوایەکى گەورە نەبێت، کەس ناتوانێت چالاکی مانگرتن لە خواردن ئەنجام بدات. قورسترین بەرخودان چالاکیى مانگرتنە. دەکرێت هەموو شتێکى تر بکرێت، بەڵام ئەگەر ئامانجێکى زۆر گەورە نەبێت و کێشە گەورەکان لە رۆژەڤدا نەبن هەوڵ بۆ چارەسەریش ئەنجام نادرێت. زیاتر لە ١٠٠ رۆژە لە پێناو ئامانجێکدا خانە بە خانەی جەستەى دەتوێتەوە و بەو شێوەیەش بەرخودان دەکات. پێشتریش گەنجانى کورد لە زیندانى ئامەد بەرخودانیان کرد. لە ساڵی ١٩٨١دا ٨٢ رۆژ چالاکیى مانگرتنیان لە دژی گوشار، قەدەغەکاری، تیرۆر و زوڵمی کودەتاى ١٢ی ئەیلول ئەنجامدا.

 

دوران کاڵکان وتیشی، بەرخودانى ئێستا بەردەوامیى بەرخودانى مانگرتنى تاوەکو مردنی ١٤ی تەمووزە. لەیلا گیوڤەنیش لە زیندانى ئامەد بەرخودانی مانگرتنى دەستپێکرد. ئەو بەرخودانانەش یەک ئامانجیان هەیە. ئەو عەقڵییەتەشى کە ئەمانی ناچار بە مانگرتن کرد، یەک عەقڵییەتە. دیکتاتۆریى فاشیستى ئاکەپە – مەهەپە سەلماندنى بە سیاسەت و عەقڵییەتى کودەتاى سەربازیى ١٢ی ئەیلولی ١٩٨٠ دەجوڵێتەوە. ئەردۆغان ئەو رژێمەى ئافراند، کە کەنعان ئەڤرەن دەیخوات دروستى بکات. نە ئۆزال و نە  دەمیرەڵ بە تەواوەتی نوێنەرایەتیى ئەو عەقڵییەتەیان نەدەکرد، بەڵام هاوپەیمانیى فاشیستیى ئاکەپە – مەهەپە ئەو دیکتاتۆرییە فاشیست – سەربازییە، کە  کەنعان ئەڤرەن دەیخواست دروستى بکات، خوڵقاندووە و سەرلەنوێ دروستیان کردووەتەوە. رژێمى تیرۆر، رژێمى گوشار، رژێمى نکوڵی، رژێمى قەدەغەکاریان دروستکردووە. هەموو شتێک قەدەغە دەکات و هەموو رۆژێک سوکایەتى دەکات. مافی ژیان بە کەسانى دەرەوەى خۆی نادات. بۆیە هەموو کەس بەرەنگاری و بەرخودان دەکات. لە هەموو شوێنێکدا گۆشەگیرى هەیە. هەموو کەس لە ژێر گوشار و داگیرکەری و چەوسانەوەى قورسدایە. ئەو بەرخودانەى ئێستاش بۆ کۆتایهێنانە بەو گوشار و داگیرکەرییانە، لەم کاتەدا بۆ رزگاربوون لە دیکتاتۆریى فاشیست، جگە لە بەرخودان رێگایەکى تر بوونی نییە.

 

کاڵکان ئاماژەى بەوەکرد، مرۆڤ ناتوانێت بە ژیان لە ژێر چەوسانەوە و داگیرکەری و گوشار و گۆشەگیری دا بڵێت، ژیان. ئەگەر ئەوە ژیان بوایە، ئەوا مرۆڤەکانیش قبوڵیان دەکرد و لە دژی نەدەوەستانەوە، بۆیە ئەگەر ئێمە ژیانێکى مرۆیى و برایەتیمان بوێت، دەبێت ئەوانە تێکبشکێنین. پێویستە مرۆڤ لە سیستمى گۆشەگیری رزگار ببێت، بۆیە دەبێت گۆشەگیری کۆتایى پێ بێت و فاشیزم هەڵوەشێت. داواى تورکیایەکى دیموکراتیک، کوردستانێکى ئازاد لەو چوارچێوەیەدایە و ئەوەش ئەو داوایە نییە، کە نەتوانرێت جێبەجێ بکرێت و بە زۆر بزانریت، بۆیە تاوەکو کۆتایهاتن بە گۆشەگیری و هەڵوەشاندنەوەى فاشیزم و هێنانەدیى تورکیا دیموکراتیک و کوردستانێکى ئازاد  بەرخودان دەکەین. بۆ ئەوەش لە هەموو شوێنێکدا بەرخودان دەکەین، بە تەمەنەکان، گەنجان، ژنان و پیاوان لە کوردستان و لە دەرەوەى وڵات، لەسەر چیاکان و لە شارەکان و لە هەموو شوێنێکدا بەرخودان دەکەن، چونکە جگە لە بەرخودان چارەیەکى ترمان نییە.

 

کاڵکان ئاماژەى بەوەشکرد، ئێمە لە ئاستى سەفەربەریدا کۆتایى بە گۆشەگیری دەهێنین و بەرخودانى 'هەڵوەشاندنەوەى فاشیزم' گەورەتر و بەرفراوانتر دەکەین. ئەوەش سەفەربەریى هەڵوەشاندنەوەى فاشیزم و سەفەربەریى کۆتایهێنانە بە گۆشەگیری و گرنگە هەموو کەسێک بەشداری ئەو سەفەر بەرییە ببێت.

 

کاڵکان بە رێزەوە سڵاوى ئاراستەى ئەو کەسانە کرد، کە لە کوردستان و هەر چوار لاى جیهانەوە بەشداری هەڵمەتەکە بوون و لە تێکۆشاندان.

 

سیاسەتی ئەڵمانیا روون نییە

 

کاڵکان لە بەردەوامیى وتەکانیدا باسی لە گوشارەکانى حکومەتى ئەڵمانیا بۆ سەر کوردان کرد و باسی لە دوایین قەدەغەکارییەکانى ئەو حکومەتە بەرامبەر بە وەشانخانەى میزۆپۆتامیا و میر موزیک و رێگریى لە رێپێوانى گەنجان و هێرشکردنە سەر خۆپیشاندەران لەلایەن حکومەتى ئەڵمانیاوە شیکار کرد.

 

کاڵکان ئەوەى خستەڕوو، تێگەیشتن لەو نزیکایەتییانە قورسە. مرۆڤ نازانێت ئەوەیان بۆ کرد، بەرگری لە چی دەکەن. باشە دەیانەوێت مرۆڤەکان گۆرانى نەڵێن، مرۆڤ کتێب، گۆڤار و رۆژنامە چاپ نەکات؟ باشە بەڕێوەبەریى ئێستاى ئەڵمانیا ئەوەى لە کوردان دەوێت؟ یانى دەیەوێت، هەموو کوردان بچنە سەر چیاکان و دەست بدەنە چەک و بەشداری شەڕ بکەن؟ ئەگەر ئەوەیان دەوێت با بە ئاشکرا بیڵێن. با بڵێن 'ئێمە لایەنگری ئەوەین، کە ئێوە شەڕ بکەن، قبوڵی ناکەین جگە لە شەڕ کارێکى تر بکەن و بچن بەشداری شەڕ بکەن'. ئەگەر ئەوە بە ئاشکرا بڵێن، مرۆڤ دەتوانێت لەو گوشار و قەدەغەکارییەیان تێبگات. هەر چەند ئەوە بە ئاشکرا ناڵێن، بەڵام ئەوەى دەیکەن هەر ئەو مانایە دەدات. ئەگەر کارێکى کۆمپانیایەکى مۆسیقایی بەپێى یاسا تاوان بێت، ئەوا دەتوانێت لەسەر ئەو کارەى سزاى بدات، بەڵام داخستنى دامەزراوەیەکى لەو جۆرە چ مانایەکى هەیە؟ دەزگایەکى چاپ و پەخش، کە کتێب و رۆژنامە چاپ دەکات، چۆن و بۆ دادەخرێت؟ باشە هونەر قەدەغەیە و ئەوە بە کاری تیرۆر دەزانرێت؟ نووسین و چاپکردنى رۆژنامە و کتێب و روونکردنەوەى بیر و رامانى خۆت قەدەغەیە؟ چالاکیى تیرۆرە؟ بەڕاستى مرۆڤ ناتوانێت لەو هەڵوێستەى دەوڵەتى ئەڵمانیا تێبگات.

 

کاڵکان ئەوەشى خستەڕوو، لە ستراسبۆرگ چالاکوانانى مانگرتوو، جەستەیان خانە بە خانە دەتوێتەوە و هەمووشیان کەسانى ناسراون و داواى ئازادی و دیموکراسی و برایەتى و چارەسەریى دیموکراتیک دەکەن. گەنجانیش دەیانەوێت بچن و پشتیوانییان لێ بکەن، بەڵام هێرشیان دەکرێتە سەر، باشە ئەوە تاوانە، باشە ئەو گەنجانە چ تاوانێکیان کردووە، کە رێپێوانەکەیان قەدەغە دەکەن؟. ئەو گەنجانە لە رێپێوانەکەدا وێنەى رێبەر ئاپۆیان بەرزکردووەتەوە، گۆرانی و سرودیان چڕی و دروشمان وتەوە. گەنجن و حەماسەتیان هەیە، ئەو کارانەیان کوێى تاوانە؟ لە کێیان داوە؟ کوێیان تێکداوە؟ لە دەوڵەتى ئەڵمانیاوە هەندێک لێدوان و راگەیاندراو بڵاوکراونەتەوە و ئێمە بیستمان، کە گوایە وتویانە 'ئێمە رێگا نادەین، تێبکدەن و بسوتێنن'. باشە ئێمەش بانگ دەکەین 'با گەنجانى کورد تێکنەدەن، نەسوتێنن' بەڵام ئەگەر تۆ هەستیت رێپێوانەکەیان قەدەغە بکەیت، تۆ بەرزکردنەوەى وێنەى رێبەر ئاپۆ قەدەغە بکەیت و رێگا نەدەیت گەنجان دروشم بڵێنەوە، ئەو کاتە تۆ دەتوانیت قسە بۆ ئەو گەنجانە بکەیت؟ دەتوانیت چییان پێ بڵێیت؟ ئێمە دەتوانین چی بڵێن؟ چیتان لە ئێمە دەوێت تاوەکو ئێمە پێیان بڵێن؟ باشە ئێمە پێیان بڵێن 'دەست لە هەموو شتێکى خۆتان هەڵگرن'. دەوڵەتى ئێستاى ئەڵمانیا لە رووی سیاسەت و عەقڵییەتەوە و لە رووی قەدەغەکارییەوە خۆی نەگەیاندووەتە ئاستى دیکتاتۆریى ئەردۆغان – باخچەلی. لەلایەکەوە بەڕێوەبەریى ئاکەپە – مەهەپە قەدەغەکاری رادەگەیەنێت، رێکخراوەکان و رۆژنامەکان دادەخات، رێپێوانەکان قەدەغە دەکات و ئەوانەى رێپێوان ئەنجام دەدەن دەستگیریان دەکات، ئەڵمانیاش لەلایەکى ترەوە ئەو کارانە دەکات. باشە ئەڵمانیا شایانى عەقڵییەتێکى لەوجۆرەیە؟ کۆمەڵگە، رۆشنبیر، سیاسەتمەدار و هونەرمەندانى ئەڵمانیا بۆ ئەوە چی دەڵێن؟ ئایا ئەو عەقڵییەتە و ئەو سیاسەتە قبوڵ دەکەن؟ ئەگەر قبوڵی دەکەن با ئاشکراى بکەن تاوەکو ئێمەش بیزانین. ئەگەریش قبوڵ ناکەن ئەوا پێویستە هەڵوێستێکى روونیان هەبێت.

 

کاڵکان لە بەردەوامیى قسەکانیدا باسی ئەوەیکرد، بە ناوی بزووتنەوەکەمانەوە پەیامى پێویست بە کۆمەڵگەى ئەوروپا دەدەین، بە گەنجانى دەدەین، خۆی لەخۆیدا شتێکى ئەوەندە توندیان ئەنجام نەداوە، هەندێک گەنجى تر زیاتر لە گەنجانى کورد زۆر کار ئەنجام دەدەن، گەنجانی ئەڵمان ئەنجامى دەدەن، گەنجانیش بۆچوونی جیاوازى خۆیان دەخەنەڕوو، بەڵام هەمان نزیکایەتییان بەرامبەر ئەنجام نادرێت. لەبەر ئەوەى کوردن، گوشار و سوکایەتى بە گەنجانى کورد دەکرێت. ئەوان بە زەویدا رادەکێشن، دەستیان دەبەستنەوە. وەک ئەوەی کە خواستبێتیان دونیا تێکبدەن، زوڵمیان لێدەکەن. ئەوەى ئەنجام دەدرێت زوڵمە، سوکایەتییە، ناهەقییە. کۆماری تورکیا پاکتاوکردن و سڕینەوە ئەنجام دەدات، ئەوەش پاڵپشتییە بۆ ئەو پاکتاوکارییە. ئەوە قبوڵ ناکرێت. ئێمە نامانەوێت دۆخێکى لەو جۆرە رووبدات، بەڵام ئەو بەڕێوەبەرییە گەورەترین هەڵە دەکات، ئەو عەقڵییەت و سیاسەتە هەڵەیە. پێویستە مرۆڤ بەرەنگاری ببێتەوە و رێگریى لێبکرێت و بگۆڕدرێت. ئەو هەموو مرۆڤە زیاتر لە ١٠٠ رۆژە لە چالاکیى مانگرتندان، کەسوکاریان، ناسراوەکانیان، منداڵەکانیان و گەنجان جگە لەوە چی تر دەتوانن بکەن؟.

 

کاڵکان باسی ئەوەشیکرد، لەلایەن کوردەوە زیان بە ئەڵمانیا ناگات، بۆیە پێویستە نزیکایەتیى خۆی راست بکاتەوە. لەو بڕوایەداین، کە پێویستە ئەو دۆخە بگۆڕدرێت.

 

لەبارەى بەرزکردنەوەى وێنەى عەبدوڵا ئۆجالان رێبەری گەلی کوردەوە وتى، چی دەبێت کاتێک وێنەى رێبەر ئاپۆ بەرز بکەنەوە؟ هەموو کەسێک دەیەوێت وێنەیەک، کە خۆشی دەوێت بەرز بکاتەوە. وێنەى کەسێک بەرز دەکەنەوە، کە ٢٠ ساڵە لە ئیمراڵی لە سیستمی گۆشەگیری و ئەشکەنجەدایە. چی لەوە زیاتر سروشتییە؟ ئیرادەى ئەوانە، رێبەریانە. پێویستیى خۆیان بۆ ئازادی لەوێوە وەردەگرن. ئەگەر خاوەنداری لەو نەکەن خاوەنداری لە کێ بکەن؟ باشە کۆمەڵگەى ئەڵمانیا بەها و پیرۆزیى خۆی نییە؟ کاتێک هەندێک دەستدرێژی بکەنە سەر بەها و پیرۆزییەکانیان، کاردانەوە و هەڵوێستیان نابێت؟ بەڵێ دەیانبێت. ئێمەش نامانەوێت هیچ کەسێک، یان کەسێکى کورد زیان بە پیرۆزییەکانى کۆمەڵگەى ئەڵمانیا بگەیەنێت، بەڵام کوردیش بەهای خۆی هەیە. دەبێت رێز لە بەها و پیرۆزییەکانى گەلی کورد بگیرێت. رێبەر ئاپۆش یەکێکە لەوانە، یەکێکە لە سەرەکییەکان. کۆمەڵگە بەو شێوەیە سەیری دەکات. دەکرێت تۆ بەو شێوەیە نەیبینت، بەڵام ئەو مرۆڤانە ئەو بەو شێوەیە دەیبینن و بۆ ئەو ئامانجەش رێپێوان ئەنجام دەدەن. ئاڵایەک بەرز دەکەنەوە و رێپێوان ئەنجام دەدەن. ئەو ئاڵایە زیان بە کەس ناگەیەنێت. ئەگەر تۆ بە دڵت نییە سەیری مەکە.

 

خوا کردی ئەردۆغان دانى پێدا نا، قەیرانى ئابووریی تورکیا بەهۆی جەنگەوەیە

 

دوران کاڵکان لەبارەى کۆبوونەوەکەى ئەردۆغان لە سێواس، کە وتبوی 'کێشەى ئابووریمان هەیە. ئێمە ناتوانین پێداویستییەکانى خۆمان دابین بکەین. ئێمە لە هەموو شوێنێک لە دژی پەکەکە شەڕ دەکەین، ئێمە لە شەڕداین' وتى، رەنگە ئاگای لەخۆی نەبوو بێت، کە قسەى وایکردووە. رەنگە بەهۆی گوشارەکانى گەلەوە ئەو قسەیە کردبێت. ئێمە دەڵێین، خوا کردی وای وت... راستییەکەى وت و دانى بە راستیدا نا. تاوەکو ئێستا دەیوت، 'دۆخەکە وا نییە و کێشەى ئابووری و هەڵاوسان و مایەپووچبوون  نییە و تەنگاو نین و ئەوەى دەوترێت هەمووی درۆیە'. کاتێک زۆر تەنگاو دەبن، دەڵێن، 'کەمێک قەیران هەیە، بەڵام تێدەپەڕێت'، بەڵام ئێستا هەموو شتێک ئاشکرا بووە و کێرد بە ئێسک گەیشتووە. لە راستیدا ئەگەر تیرۆر و گوشاری قورسی فاشیست نەبێت، کۆمەڵگە بە دەنگێکى بەرزتر باس لە قەیرانەکان دەکات و باشتر هەڵوێستى دیموکراتیک دەخەنەڕوو. رێپێوان، کۆبوونەوە و ناڕەزایەتى لە دژی فاشیزم ئەنجام دەدەن، چونکە دەیانەوێت داواکانى خۆیان بە دەنگی بەرز و ئاشکرا بخەنەڕوو، بەڵام گوشارێکى قورس هەیە، تیرۆر دەکەن، سەرکوت دەکەن و ترس دەخەنە دڵی کۆمەڵگەوە.

 

کاڵکان باسی ئەوەشیکرد، قەیرانەکەى ئێستا کاتى نییە. ئەوانەى لە تورکیا دەمێننەوە دەبێت زیاتر هۆشیار بن و باشتر ئاگاداری دۆخەکە بن. ئەو قەیرانە، قەیرانێک نییە، کە بە هۆکاری دەرەکى دروست بوو بێت، با هەموو کەس لەوە تێبگات. تاکە هۆکاری ئەو قەیرانەى ئێستا شەڕە. سەرمایەگوزاری لەسەر شەڕ دەکەن. هەموو شتێک بۆ شەڕ خەرج دەکەن. لەو دۆخەدا دیکتاتۆریى ئاکەپە – مەهەپە هەموو بودجەیان بۆ شەڕ تەرخانکردووە. بەشێک لە بودجە بە ئاشکرا بۆ شەڕ تەرخان دەکەن و بەشەکەى تریشی بە دزییەوە بۆ شەڕەکە خەرج دەکەن. دەڵێن، بودجەى شاراوەى سەرۆکایەتیى وەزیران، بودجەى شاراوەى فڵان شت، بودجەى شاراوەى میت، ئەوانە هەمووی بۆ شەڕ خەرج دەکەن. باج و دارایى بۆ شەڕ خەرج دەکەن. بێگومان لە دۆخێکى لەو جۆرەدا قەیران دروست دەبێت. هیچ توانایەکى دارایى بۆ کاری تر نامێنێت. بۆ پەروەردە و کەرتەکانى تر نامێنێت، چونکە هەمووی بۆ شەڕ دەبات. کاتێک هەموو شتێک بۆ شەڕ ببات، بێگومان قەیران دروست دەبێت.

 

دوران کاڵکان بۆ روونبوونەوەى هۆکاری ئەو قەیرانە و تێچووەکانى شەڕ پێشنیاز دەکات، لێکۆڵینەوە لە تێچووى شەڕ بکرێت. ئەو هەموو نووسەر، رۆشنبیر، لێکۆڵەر و رۆژنامەوانە هەیە. با لێکۆڵینەوە بکەن. بۆ نمونە رۆژێک چەند فڕۆکەى جەنگى هەڵدەستن. تێچووەکەیان چەندە؟ رۆژانە چەند تۆن بۆمب دەتەقێنرێت؟ فڕۆکە، کۆپتەر، تانک، تۆپ چەند بۆمب هەڵدەدەن؟ هێزە چەکدارەکانى دەوڵەتی تورک رۆژانە چەند فیشەک دەتەقێنن، چەند بۆمبای جۆراجۆر دەتەقێنن؟ مانگانە دەکاتە چەند؟ بۆ نمونە ئامارەکانى ساڵی ٢٠١٨ چەندن؟ ئاماری ساڵانە چەندە؟ با لێکۆڵینەوەى لەسەر بکەن، ئاشکراى بکەن و دواتر تێچووەکەى حساب بکەن. ئەو کاتە هۆکاری قەیرانە ئابوورییەکەیان بۆ روون دەبێتەوە، بۆیان دەردەکەوێت، کە بودجە بۆ کوێ دەچێت. بۆیان روون دەبێتەوە پارە لە چیدا خەرج دەکرێت. ئەو کاتە باشتر تێدەگەن، کە قەیرانەکە بەهۆی چییەوە دروست بووە. ژمارەیەکى زۆر لە هاووڵاتییانى کورد باج دەدەن، ئەو باج و پارەیە دواتر دەبێتە بۆمب و بەسەریاندا دەبارێنرێت. ئەوەیان بۆ دەردەکەوێت، خۆیان بۆمب بەسەر خۆیاندا دەبارێنن. هاووڵاتییانى تورکیا ئەوەیان بۆ روون دەبێتەوە، کە بە باج و پارەکەیان کورد دەکوژرێت.

 

دوران کاڵکان لە بەردەوامیى شیکارکردنى ئەو قەیرانەدا باسی لەو قسەیەى ئەردۆغان کرد، کە لە کۆبوونەوەکەى سێواس دا وتبوی 'بەهای گولـلەیەک چەند لیرەیە؟'. کاڵکان وتى، پێویستە بە باشی لێکدانەوە بۆ ئەو قسەیە بکرێت. ئەو قسەیە یانی 'من هەموو شتێک بۆ ئەوە خەرج دەکەم، بەڵام ئێوە ناتوانن قسە بکەن، ئێوە ناچارن پشتیوانى لەو خەرجییە بکەن' ئەوەش دوو لایەنى هەیە. یەکەم، بە پارە و باجی زەحمەتکێشان و رەنجدەران و هاووڵاتییانى تورکیا لە عەفرینەوە تاوەکو برادۆست کورد دەکوژن و هیچ شتێک بە ناوی برایەتییەوە نەماوە. دووەم، ئەوە دەبێتە هۆی ئەوە، کە قەیرانێکى گەورەی ئابووری بەسەر هاووڵاتییانی تورکیاوە بەردەوامیى دەبێت.

 

دەبێت لە دژی فاشیزم هەموو دەرفەت و توانایەک بخرێتەکار بە هەڵبژاردنیشەوە

 

کاڵکان شیکاریى بۆ هەڵبژاردنى شارەوانییەکان لە ٣١ی ئاداری ٢٠١٩دا کرد و لەو بارەیەوە وتى، کەشێک کە هەڵبژاردنى تیادا بکرێت بوونی نییە. دۆخێکى دیموکراتیک، یەکسان، ئازاد و ململانێ و پێشبڕکییەکى دادپەرەوەرانە بوونی نییە، بەڵام سەرباری ئەو راستییەش پێویستە ئەو پرۆسەیە وەک پرۆسەیەکى تێکۆشان سەیر بکرێت. بۆ تێکشکاندنى فاشیزم و هێرشی فاشیستى پێویستی بە بەرخودانێکى دیموکراتیکى شۆڕشگێڕی هەیە. فاشیزم بە شێوەیەکى هەمەلایەنە هێرش دەکات، بۆیە پێویستە بەرخودانى دیموکراتیکى هەمەلایەنە ئەنجام بدرێت. گرنگە هەموو توانا و دەرفەتێک لە دژی فاشیزم بەکار بهێنرێت. ئەو پرۆسەیەى هەڵبژاردنیش دەرفەتێکە بۆ بەهێزکردنى تێکۆشانی دیموکراتیکى دژە فاشیستى. پێویستە بەو شێوەیە ببینرێت و خاوەنداریى لێبکرێت. بەڕاستى نابێت هەڵەبکرێت و بە سستى نزیک ببنەوە. گۆڕەپانێکى گرنگە و سەرباری ئەوەى بواریش نییە، بەڵام دیسانەوە دەرفەتی پڕوپاگەندەى سیاسیى هەیە. ئەوەش توانای ئەوە بە کۆمەڵگە دەبەخشێت کە دەست بە جموجوڵ بکات و فاشیزمی پێ ریسوا بکرێت.

 

کاڵکان ئاماژەى بە هاوپەیمانیى هێزە شۆڕشگێڕە دیموکراتیک و وڵاتپارێزەکان کرد و وتى، پێویستە هەموو هێزە دژە فاشیستەکان لە هاوپەیمانییەکدا بن و تێکۆشانێکى کاریگەرانە بەڕێوەببەن. ئەو دەرفەتەى لەم هەڵبژاردنەدا دروست  دەبێت، پێوستە لە تێکۆشانى دژ بە فاشیزم دا بەکار بهێنرێت. پێویستە ئەوە بۆ تێکۆشانى دژە فاشیستى بکرێت بە دەرفەتێک. ئەوە ئەرکێکى گرنگە. ئەگەر بەشێوەیەکی راست و دروست و بەشێوەیەکیى پێویست ئەنجام بدرێت، ئەنجامى جدیشی لێ بەدەست دێت. بۆیە پێویستە لە پرۆسەى هەڵبژاردندا چالاک بن و کاریگەریى زیاتر دروست بکەن.

 

کاڵکان لەبارەى نزیکایەتیى خەمساردانە لە پرۆسەى هەڵبژاردنەوە وتیشی، نابێت بوترێت، پێویست ناکات دەنگ بدەین. گرنگە پرۆسەى  تێکۆشانی هەڵبژاردن بۆ ریسواکردنى فاشیزم، بۆ بەرەوپێشردنى تێکۆشانی ئازادی، یەکسانی، ئاشتی و دیموکراسى بەکاربهێنرێت. بۆ ئەوەى فاشیزم تێکبشکێت پێویستە لە ئاستێکى بەرزدا دەنگ بدرێت. پێویستە بە دڵنیاییەوە نزیکایەتیی هێزە دیموکراتیکەکان و گەنجانى وڵاتپارێز بەوشێوەیە بێت. بەرخودێری و هەوڵێکى لەو جۆرە هەیە، هەدەپەش لەو بەرخودێری و هەوڵەدایە و لەگەڵ هەندێک هێزى تردا لە هەوڵەدایە و ئەو هەوڵەیان هەیە. دەتوانن باشتریش لەگەڵ یەک کار بکەن. خۆیان گەیاندووەتە ئاستێک، ئێمە چاودێریى دەکەین. دەتوانن هێشتا ئەوە باشتر بەرەو پێش ببەن. ئێمە هیچ ناڵێین. مەبەستى من روونە، دەبێت کەس خۆی دوانەخات و کەس پاشدا نەچێت. پێویستە تێکۆشانی هەڵبژاردن و پرۆسەى هەڵبژاردن وەک گۆڕەپانێکى تێکۆشان لە دژی فاشیزم لێکبدرێتەوە و دەنگ بدرێت و هەر دەنگدەرێک دەنگى خۆی بەکار بهێنێت. بۆ ئەوەى هێزە دیموکراتیکەکان هەڵبژێردرێن، دەبێت لە بەرزترین ئاستدا دەنگ بدرێت و بەشداری بکرێت. بۆ هەڵبژاردنى ژنان دەبێت دەنگ بدرێت.

 

کۆنسوڵخانەى تورک لە هەولێر بووەتە بنکەیەکى شەڕ

 

دوران کاڵکان ئەندامى کۆمیتەى بەڕێوەبەریى پەکەکە لەبارەى فرتوفێڵەکانى دەوڵەتى تورک لە دژی رۆژئاوا و باشووری کوردستان وتى، پلانسازییەک بە ناوی 'پلانى چالاکیى تێکشکاندن' ئاشکرا بوو. ئەوە بینرا، کە کۆنسوڵخانەى هەولێر رۆڵ و پێگەى بنکەیەکى شەڕی پێدراووە. داواى لێکراوە وەک بنکەیەکى سەربازی بجوڵێتەوە. قەناعەت بە بەڕێوەبەریى باشووری کوردستان، بەڕێوەبەریى پارتى دیموکراتى کوردستان (پەدەکە) – یەکێتیى نیشتمانیى کوردستان (یەنەکە) دەهێنن، کە ئەوە کۆنسوڵخانەیە. ئاسایشی لەلایەن ئەوانەوە دابین دەکرێت. ئەوە لە کاتێکدایە ئەوەى هەیە، بارەگایەکى شەڕە. بە کاری کوشتنى مرۆڤەکان هەڵدەستێت. هەم لە باشوور و هەم لە رۆژئاوا، نەک تەنها لە باشوور. باشە ئەو هێزە راهێنانى بە چەند چەتە کردووە و رێکخستنى بۆ دروستکردوون؟ چییان کردووە؟ خۆیان خزاندووەتە کام ناوچانە؟ لە کوێ جێگیرکران؟ ئەگەر لێکۆڵینەوەیەکى سەربەخۆ لەوە بکرێت، ئەوە ئەنجامى زۆر گرنگ بەدەست دێن. ناڕەزایەتیى گەل لە شیلادزێ بەبێ هۆ نەبوو. بەهۆی گوشاری قورسی چەتە فاشیستەکان و بەهۆی هێرشەکانى دەوڵەتى تورک و هێزە سەربازییەکان و هێزە ئاسمانییەکەى لە دژی گەل، گەنجان، هێزە شۆڕشگێڕەکان و گەریلا، ئەو ناڕەزایەتییە روویدا. ئەوانە هەموویان بوونە هۆی ئەوەى رێگا بۆ ناڕەزایەتى بکرێتەوە. باشە ئەوە نەبینرا، کە ناڕەزایەتى و توڕەیى چەند گەورەیە. دیارە گوشار و تیرۆرەکەیان زۆر قورسە. رێکخستنى لەو جۆرە زۆر زۆرن، چونکە ئەوەی لە بەرامبەرماندایە دیکتاتۆرییەکى فاشیستى زۆر چەپەڵە. لە دەسەڵاتى ئێستاى ئاکەپە – مەهەپە، هیچ دەسەڵاتێکى تری چەپەڵ بوونی نییە. چەندین جۆر چەتەى جۆراجۆریان دروستکردووە. پشتیوانى لە داعش دەکەن، پشتیوانى لە قاعیدە دەکەن. ئەوان لە پشتى هەموو گروپە چەتەکانى سوریاوەن. ژمارەى گروپە چەتەکان لە دەورووبەری کەرکوک نازانرێت، ژمارەیان لە باشوور روون نییە و هەروەها لە باکووریش. 

 

کاڵکان سەرنجی خستە سەر رێکخستن و گروپە شاراوە و چەتەکانى دەوڵەتى تورک لە رۆژئاواى کوردستان و وتیشی، ئەوەى بەرامبەر بە رۆژئاوا دەکرێت شتێکى نوێ نییە. ئەوانەى ساڵی ٢٠١٤ دەیانوت 'کۆبانێ لە کەوتندایە' و پشتیوانییان لە داعش دەکرد، ئەوانەى لە پشت چەتەکانى داعشەوە راوەستابوون، ئەوانەى لە پشت هەموو گروپە چەتەکانى ترەوە بوون، ئەوانەى بە لۆری و بارهەڵگرەکانى میت چەکیان بۆ چەتەکان دەبرد، ئەو چەتانەن کە لە دژی رۆژئاوا راهێنراون و رێکخراون. بە بەردەوامى بە فڕۆکە و کەشتى چەک بۆ چەتەکانى لیبیا دەنێرن. ئەوانە جاروبار لە میدیاکاندا باسیان لێوەدەکرێت. هەموو کەس دەزانێت و هیچ نەماوە نەزانرێت. بەلام خۆیان لە شتەکان نەبان دەکەن. چەتەى نوێ رێکدەخەن. بێگومان هەندێک خائینى نۆکەریش بەکار دەهێنرێن، بەڵام لە دۆخێکدان، کە بە بەردەوامى تێکدەشکێن. ئەوەى تێکبشکێت سوودی نابێت. ئەوانە کەوتوون، کەسانى  داڕوخاو لە هەموولایەکەوە بەکار دەهێنرێن. بۆیە بەکاریان دەهێنن. لەو بڕوایەدا نیم زۆر کاریگەرییان هەبێت. بەڵام گرنگ ئەوەیە، کە دەوڵەتى کۆماری تورکیا، دەسەڵاتى ئاکەپە – مەهەپە و ئەو گروپە چەتە شاراوانە بۆ خۆیان بەکار دەهێنن و کاری قێزەون و تێکدەرانەیان پێ ئەنجام دەدەن، بۆ گوشار و ئەنجامدانى تیرۆر بەکاریان دەهێنن. کارە چەپەڵ و قێزەونەکانى خۆیان بەوان دەکەن. کارە رەش و قێزەونەکانیان لە زۆرێک لە شوێنەکاندا ئاشکرا نابن، بەڵام لە پشت ئەو کارانەوە حکومەتى ئاکەپە و میت راوەستاون.

 

کاتی گلـلەیى نییە، تێکۆشان پێویستە

 

دوران کاڵکان ئەندامى کۆمیتەى بەڕێوەبەریى پەکەکە ئەوەشی وت، دەمەوێت لە کۆتاییا بڵێم، ئیدی تەیب ئەردۆغان هەندێک بە کراوەیى قسە دەکات. پێشتر رەتى دەکردەوە، دەیشاردەوە و دەمامکی هەڵدەبەست، بەڵام ئێستا کەمێک کراوەتر دەڵێت 'من هێرش دەکەمە سەر رۆژهەڵاتى فورات، من دەیسوتێنم، کاولی دەکەم، دوژمنى منن'. کەسێک بەو شێوەیە قسە بکات، دەتوانێت هەموو  جۆرە گروپ و تاقمێک دروست بکات و هەموو  جۆرە هێرشێکیش ئەنجام بدات. دەشتوانێت، هەموو ساختەکاری و فێڵبازییەک بەکار بهێنێت. ئەوە دۆخێکى روون و کراوەیە، تێگەیشتن لێى قورس نییە.

 

وتیشی، ئەوەى لە بەرامبەرماندایە، دەسەڵاتێکى لەوجۆرەیە. دیکتاتۆرییەکى فاشیستە. لە باکوور، باشوور، رۆژئاوا و هەموو ناوچەکانى رۆژهەڵاتى ناوەڕاست بەو شێوەیە تەڕاتێن دەکات و گۆڕەپانەکە بۆ خۆی بە چۆڵ دەزانێت. بەڵێ دەبێت روون بکرێتەوە کە چییە و دەیەوێت چی بکات، بەڵام سەرباری ئەوەش خۆی بە ئاشکرا دەڵێت 'دوژمنى منن' و هێرش و دوژمنایەتى دەکات. ئەگەر ئەوەى بەرامبەر دوژمن بێت ئەوا لەو کاتەدا پێویستە دوژمنایەتیى بەرامبەر بکرێت. لەبەر ئەوەش پێویستە هێزە دیموکراتیک و شۆڕشگێڕەکان لە هەموو شوێنێک، لە باکوور، باشوور و رۆژئاوا گلـلەیى و گازندە نەکەن و نەڵێن 'دوژمن وامان لێدەکات و چەتەکان رێکدەخات' ئەوەتا خۆی دەڵێت 'دوژمنى منن و دەیکەم'. ئەو کاتە تۆش لە بەرامبەریدا بێ کردە مەبە و تۆش لە دژی بوەستەوە.

 

کاڵکان لە کۆتایى قسەکانیدا رایگەیاند، تێکۆشانى بە رێکخستنکراو سەردەکەوێت. لەسەر ئەو بنەمایە بانگ لە هەموو هێزە شۆڕشگێڕەکان دەکەم، کە لە دژی هێرشی دیکتاتۆری فاشیست لە هەموو بەرەکاندا و بە هەموو شێوە و رێبازێک تێکۆشانێکى کاریگەر بەڕێوەببەن.

 

  سەرچاوە: ناوەندی هەواڵ ANF

 

بەسێ هۆزات: مانگرتن لە خواردن هەڵوێستێکى ئاپۆییە

بەسێ هۆزات لەبارەی گرنگیى تێکۆشان بۆ ئازادیى عەبدوڵا ئۆجالان رێبەری گەلی کورد رایگەیاند "تێکشکاندنى گۆشەگیری دەبێتە هۆی لەناوچوونی فاشیزم و رێگا و بوار بۆ تێکۆشانی دیموکراتیک دەکاتەوە".

 

بەسێ هۆزات هاوسەرۆکى دەستەى بەڕێوەبەریى کۆما جڤاکێن کوردستان (کەجەکە) لە چاوپێکەوتنێکیدا لەگەڵ ئاژانسى هەواڵی فورات (ANF) لەبارەى چالاکییەکان بۆ تێکشاندنى گۆشەگیری وتى "چالاکیى مانگرتنى بێسنووری لەیلا گیوڤەن لە دژی گۆشەگیری چالاکییەکى هێژا و مانادارە. ئێمە سڵاو لەو هەڵوێستەى لەیلا گیوڤەن دەکەین. لە هەمان کاتدا لە زیندانەکاندا، زیندانییە شۆڕشگێڕەکان، لە باکوور، باشوور، رۆژئاوا و ئەوروپا گەلەکەمان بە بڕوا و پێداگرییەکى گەورەوە ئەو چالاکییانە بەڕێوەدەبەن. لە کاتێکدا کە لە کەسایەتیى رێبەرمان دا هێرشی قڕکەر – فاشیست لە دژی گەلەکەمان وەرگەڕاوە بۆ هێرشی هەمەلایەنەى پاکتاوکارانە، ئەو شەپۆلە بەرخودانە زۆر مانادار و هێژایە. بڕوامان بەوەیە، کە ئەو چالاکییانە دەبنە هۆی تێکشاندن و هەڵوەشاندنەوەى سیستمى ئەشکەنجەى ئیمراڵی".

 

دەیەوێت بە لۆزانێکی نۆێ بۆ ١٠٠ ساڵی تر کورد لە ناو ببات و نکوڵیی لێ بکات

 

هۆزات وتیشی "رژێمى ئاکەپە – مەهەپەی قڕکەر – فاشیست بە پلانێکى هەمەلایەنە بۆ لەناوبردن و سڕینەوە دەجوڵێتەوە. هەوڵ دەدا ئەو بەها و نرخانە، کە بە تێکۆشانی ٤٠ ساڵەى ئازادیى شکۆمەندانە و بە هەیبەت ئافرێنراوە بە تەواوی لە ناو ببات و گەلی کورد پاکتاو بکات. هەر وەک سەردەمی ساڵانى ١٩٢٣ – ١٩٣٨ ، کە یەکێکە لە سەردەم زۆر ترسناکەکانی مێژووی کۆمار، دەیەوێت گەلی کورد و کۆمەڵگەى دیموکراتیکی تورکیا ملکەچی کۆمەڵکوژی و پاکتاوکردن بکات. لە ١٠٠هەمین ساڵیادى لۆزاندا هەڵ دەدات لۆزانێکى نوێ دروست بکات و گەلی کورد بۆ سەد ساڵی تر نکۆڵی بکات و لە ناوی ببات".

 

هۆزات ئەوەشی وت "هۆکاری گۆشەگیریى ٢٠ ساڵەی رێبەری گەلی کورد هەر بۆ ئەوە دەگەڕێتەوە. دەیانەوێت لە کەسایەتیى رێبەر ئاپۆدا گەلێک، کە بۆ ئازادیى خۆی خۆڕاگری دەکات بیسڕنەوە. رێبەر ئاپۆ ئافرێنەری گەلی ئازادە، کە خۆڕاگری و داکۆکی لە خۆی دەکات. یەکگرتنى نرخ و بەها بەرچاوەکانى مرۆڤایەتى و گەلی کوردە خاوەن شکۆ و ئازادەکانە. ناسنامەى گەلی ئازادە. فاشیزمی ئاکەپە – مەهەپە دەیەوێت ئەو ناسنامەیە پاکتاو بکات. رێبەر ئاپۆ لە ناو سیستمى ئەشکەنجەى ئیمراڵی دا ٢٠ ساڵە لە دژی فاشیزمی قڕکەری پاکتاوکار بە شێوەیەکى بێ هاوتا تێدەکۆشێت و خۆڕاگری و داکۆکی دەکات. ئەو بەرخودانە هەڵوێستێکى روونە دژ بە سیاسەتەکانى، رادەستکەری – قڕکەر".

 

چالاکییەکانى مانگرتن لە خواردن هەڵوێستێکى ئاپۆییە

 

بەسێ هۆزات هاوسەرۆکى دەستەى بەڕێوەبەریى کەجەکە راشیگەیاند "چالاکییەکانى مانگرتنی بێسنوور لەو رووەوە زۆر مانادارن. ئەوانە چالاکین لە دژی سیاسەتى نکۆڵیکردن و سڕینەوە و هەڵوێستێکى ئاپۆیین. هەڵوێستى ئەو گەلەیە کە خۆبەدەستەوەدان قبوڵ ناکات. لەبەر ئەوەش خاوەنداریکردنی گەلەکەمان لەو بەرخودانە زۆر گرنگە".

 

هۆزات ئەوەشى خستەڕوو "بەبێ تێکۆشان و بەرخودانى گەورە هیچ شتێک ناپارێزرێت. بەراستى لە قۆناغێکى مێژوویی چارەنووسسازداین. رێبەرمان رێگای دەستکەوتە گەورەکانى نیشانی ئێمە و گەلەکەمان و گەلان داوە. ئەگەر ئێمە بە ئیرادەى بەخۆرێکخستنکردنمان تێبکۆشین و خۆڕاگری بکەین، ئەوا دەتوانین سەرکەوتنى گەورە بەدەست بهێنین".

 

هۆزات باسی ئەوەشیکرد "لەیلا گیوڤەن هەڵوێستکى کەرامەتدارانە و شکۆمەندانەى خستووەتەڕوو و دەبێت هەموان بە رێزەوە پشتگیری و پێشوازیى لێ بکەن. لەیلا گیوڤەن نمونەیەکى گرنگە، کە ئاستى داوا و خواستى ئازادیى ژنانى کورد دەخاتەڕوو. ئەوە هەڵوێستى ژنێکی هۆشیار و بە ئیرادە و بە شکۆ و خۆبەڕێکخستنکردووە. لە کاتێکدا سڕینەوەى هەمە لایەنە لە دژی ئیمراڵی دەستیان پێکردووە، چالاکییەکى لەو شێوەیە دەستوەردانێکى بەهێزە بۆ ئەو پرۆسەیە. هەڵوێستى پێشەنگی شۆڕشگێڕانەى ژنان بە بەهێزی دەخاتە پێش چاوان. ئەو هەڵوێستەی هاوڕێ لەیلا سەلماندى کە چەند بەشێوەیەکى راست و باش لە فەلسەفەى ئازادیى رێبەر ئاپۆ تێگەیشتووە. مەترسییەکى بینیوە و بەو چالاکییە دەستوەردانى لە دۆخەکە کردووە".

 

هۆزات ئاماژەى بەوەشکرد "چەندین ساڵە لە زیندانەکانەوە مانادارترین هەڵوێستی بەرخودێرانە بۆ هەڵوێستى بەرخودێرانەى رێبەری گەلی کورد دەخرێتەڕوو. بەراستى ئەوانەى زۆر بە باشی و بە بەهێزی لە رێبەر ئاپۆ تێگەیشتوون و بۆچوونەکانى جێبەجێ دەکەن، ژنانن".

 

ئازادیى رێبەر ئاپۆ دژە ژەهری فاشیزمە

 

بەسێ هۆزات هاوسەرۆکى دەستەى بەڕێوەبەریى کەجەکە لە بەردەوامیى قسەکانیدا وتى، فاشیزمی ئاکەپە – مەهەپە تەنها دەتوانێت خۆی بە شەڕ و توندوتیژی لەسەر پێ رابگرێت، بۆیە هێرش دەکات. گۆشەگیریى سەر ئیمراڵی، گوشار و توندوتیژی لە دژی عەبدوڵا ئۆجالان رێبەری گەلی ئێستا بە سەرتارسەری کوردستان و تورکیادا بڵاوکراوەتەوە.

 

هۆزات وتیشی "تاوەکو گۆشەگیریى سەر رێبەر ئاپۆ کۆتایى پێنەهێنرێت، ئەستەمە فاشیزم لە تورکیا کۆتایى پێبهێنرێت. ئەگەر گۆشەگیریى رێبەر ئاپۆ هێرش بێت لە دژی گەلی کورد و هێزە دیموکراتیکەکان، ئەوا ئەو کاتە تێکشاندنی گۆشەگیری بە مانای لاوازکردن و تەنگاوکردنى فاشیزم و بەرەوپێشبردنی دیموکراسی و ئازادییە. تێکۆشان بۆ ئازادیی رێبەر ئاپۆ بە مانای پووچەڵکردنەوەى سیاسەتەکانى فاشیزم و لە ناوبردنى فاشیزمە. بۆیە ئازادیى رێبەر ئاپۆ دژە ژەهری فاشیزمە. تێکشکاندنی گۆشەگیری فاشیزم لە ناو دەبات و ریگا و بوار بۆ تێکۆشانی دیموکراتیک دەکاتەوە. رێبەر ئاپۆ لە تورکیا گارانتیى ژیانى برایەتى، ئازادی و دیموکراسییە".

 

هۆزات ئەوەشی وت "هەڵوەشاندنەوەى فاشیزمی ئاکەپە – مەهەپە بە تێکشکاندنی گۆشەگیریى سەر ئیمراڵی بەدی دێت. ئەوەش بە ئافراندنی هەلومەرجی کار و ژیانى ئازادی رێبەر ئاپۆ بەدی دێت. ئەوەش بە بڵاوەپێکردنى بەرخودان بەسەرتاسەری توروکیادا مەیسەر دەبێت. کاتێک ئەوە سەرخرا، دیکتاتۆریی فاشیست ناتوانێت بۆ یەک رۆژیش لەسەر پێ بمێنێتەوە".

 

هەڵبژاردنى شارەوانییەکان لە ٣١ی ئادار دا لە هەڵبژاردنى گشتی (پەرلەمان) گرنگترە

 

بەسێ هۆزات هاوسەرۆکى دەستەى بەڕێوەبەریی کەجەکە لە بەردەوامیى چاوپێکەوتنەکەدا شیکاریى بۆ هەڵبژاردنى شارەوانییەکان لە ٣١ی ئاداری ٢٠١٩ لە باکووری کوردستان و تورکیا کرد و ئاماژەى بە گرنگیى ئەو هەڵبژاردنە کرد و رایگەیاند "دەسەڵاتى فاشیست – قرکەری ئاکەپە – مەهەپە دەیەوێت لە هەڵبژاردنى شارەوانییەکاندا سەربکەوێت و بناغەی رژێمە فاشیستییەکەی هەمیشەیى و جێگیر بکات و ئەوەش لە رێگەى شارەوانییەکانەوە بچەسپێنێت. هەوڵ دەدات هەموو رەهەندەکانى بەرخودانى کۆمەڵگە پارچە پارچە بکات، دینامیکى ناوخۆیى بەرخودان تێکبشکێنێت و کۆمەڵگە رادەستى خۆی بکات. لە کوردستانیش دەیەوێت پاکتاوکاری و سڕینەوەکەى سەربخات. لەبەر ئەوانەش هەڵبژاردنى شارەوانییەکان زۆر بە گرنگ دەزانێت".

 

هۆزات راشیگەیاند "فاشیزم بە بەرخودان و بە تێکۆشان لاواز دەکرێت و لە ناو دەبرێت. گرنگە هەڵبژاردنى شارەوانییەکان بۆ لاوازکردن و هەڵوەشاندنەوەى فاشیزم بێت و ئەوە ببێتە هۆی تێکۆشانێکى گەورە. دەرفەت و دۆخی زۆر گەورە و لەبار بۆ ئەوەش لەگۆڕێدایە. زیاتر لە نیوەى کۆمەڵگەى تورکیا لە دژی دەسەڵاتى فاشیستیی ئاکەپە – مەهەپەن و لێیان بێزار وتۆڕەن. کوردیش خۆی لەو دەسەڵاتە فاشیستییە زۆر توڕە و بێزارە. پێویستە ئەو توڕەییە لە هەڵبژاردنى شارەوانییەکاندا بکرێت بە هێزێکى گەورەى دیموکراسی".

 

"دەبێت گەلەکەمان بە رۆحی سەفەربەرییەوە بۆ هەڵبژاردنى شارەوانییەکان کار بکات"

 

هۆزات ئاماژەى بە دەستبەسەرداگرتنى شارەوانییەکانى کوردستان لەلایەن قەیومەکانەوە کرد و لەوبارەیەوە وتى "قەیوم یانى سیاسەتى سڕینەوە، لەناوبردن، داگیرکەری و تاڵانی. لە پێش هەموو شتێکەوە قەیومەکان بە عەقڵییەت و هەڵوێستى 'ئێمە ئیرادەی ئێوە قبوڵ ناکەین' کەوتنە دژایەتیکردنى گەلی کورد و دەنگ و ئیرادەى گەل. ئەو هەڵوێستە نەناسین و قبوڵ نەکردنى گەلی کوردە. دەسەڵاتى ئاکەپە بە داسەپاندنى قەیومەکان بەسەر شارەوانییەکانى دەبەپەدا ئەوەى سەلماند، کە پێداگرە لەسەر سیاسەتى پاکتاوکردن و سڕینەوەى ئیرادەى گەلی کورد و گەلانى کوردستان. پاکتاوی سیاسی راستەوخۆ پاکتاوکردن و سڕینەوەى نەتەوەیى و کولتورییە. تاوەکو پێش لەو پاکتاوکارییە سیاسییە نەگیرێت ئەستەمە پێش لە پاکتاوکاری و سڕینەوەى نەتەوەیى و کولتوری بگیرێت. ئێستاش ئەو دەسەڵاتە هاتووە قەیومەکانى کردووە بە پاڵێوراو بۆ هەڵبژاردنى شارەوانییەکان و بەوەش دەسەلاتى ئاکەپەی فاشیست جارێکیتر سەلماندی، کە پێداگری دەکات لە سیاسەتى پاکتاوکردن و سڕینەوەدا. سیاسەتى سەپاندنى قەیوم، هێرشێکى گەورەیە لە دژی بوون و ئازادیى گەل. لە دژی ئەو عەقڵییەتە پاکتاوکارە فاشیستییە و بە هۆشمەندیى تێکۆشانی مان و نەمان، دەبێت گەلی کورد لەهەڵبژاردنى شارەوانییەکاندا ئیرادەى خۆی بە بەهێزترین شێوە بخاتەروو و بیسەلمێنێت. گرنگە گەلەکەمان بە رۆحی سەرفەربەرییەوە کار بۆ هەڵبژاردنى شارەوانییەکان بکات و ئەو شارەوانییانەى لەلایەن ئاکەپەی پاکتاکارەوە دەستیان بەسەردا گیراوە، بگەڕێنێتەوە بۆ خۆی".

سەرچاوە: ئاژانسی هەڤاڵی ANF

 

 

قەرەیلان: بە گەریلاى سەردەمی نوێ دەست بە ٤١هەمین ساڵی تیکۆشانی پەکەکە دەکەین

موراد قەرەیلان فەرماندەى بڕیارگەی ناوەندی پاراستنى گەل رایگەیاند، دەیانەوێت بە گەریلای سەردەمی نوێ پێشوازی لە ٤١هەمین ساڵی تێکۆشانی پەکەکە بکەن و ئیتر هەنگاوی نوێ بگیرێتە بەر.

 

موراد قەرەیلان ئەندامی کۆمیتەى بەریوەبەریى پەکەکە و فەرماندەى بڕیارگەى ناوەندی پاراستنى گەلی کوردستان میوانى بەرنامەى رادیۆ دەنگی وڵات بوو. قەرەیلان لە بەرنامەکەدا وەڵامى پرسیارەکانى رۆژنامەنووس رۆسیدا ماردینی دایەوە و شیکاریى بۆ رۆژەڤەکان کرد.

 

"٤٠هەمین ساڵیادی دامەزراندنى پەکەکە لە هەموان پیرۆز بێت"

 

قەرەیلان بە پیرۆزکردنى ٤٠هەمین ساڵیادى دامەزراندنى پەکەکە دەستى بە قسەکانى کرد و وتی "٤٠هەمین ساڵیادی دامەزراندنی حیزبەکەمان، پارتی کرێکارانى کوردستان لە رێبەر ئاپۆ، لە هەموو گەلەکەمان، لە دۆستانی گەلەکەمان، لە هەڤاڵان و خەباتکارانی شۆڕش پیرۆز دەکەم. لە ٤١هەمین ساڵدا سەرکەوتن بۆ گەلەکەمان و هەموو هەڤاڵان دەخوازم. لەم رۆژەدا حەقی قەرار یەکەم شەهیدی حیزبەکەمان تاوەکو دەلال ئامەد، زەکی شەنگالی و ئاتاکان ماهیر و هەموو شەهیدانى شۆڕش بە رێزەوە بە یاد دەهێنینینەوە و ئەو بەڵێنەوەى بەوانمان داوە، جارێکیتر دووباری دەکەینەوە".

 

رۆژی دامەزراندنى پەکەکە (٢٧ی نۆڤەمبەر) رۆژی بڕیاری ئازادبوونە

 

رۆژی ٢٧ی تشرینى دووەم / ٦ی سەرماوەز بۆ گەلەکەمان و حیزبەکەمان رۆژێکى گرنگ و مێژووییە. رۆژی بە حیزببوونە. بڕیاری دامەزراندنى حیزبە لە ٢٧ی تشرینى دووەم / ٦ی سەرماوەز، بڕیاری بەرخودانى نەتەوەییە. تاوەکو ساڵانى ١٩٧٠ گەلی کورد پاکتاوکاریى بەرامبەر دەکرا. تاوەکو ئەو کاتە هەموو سەرهەڵدانەکانى کورد تێکشکێنران و لە ناو کۆمەڵگەى کورددا ئومێد کەمبوو بوویەوە، بڕوا لاواز بوو بوو. سیاسەتى پاکتاوکاری و سڕینەوەى سپی لەلایەن دوژمنەوە بە چڕی بەڕێوەدەچوو. لەو سەردەمەدا لە گوندی فیس لە لیجە لە رۆژی ٢٧ی تشرینى دووەمی ١٩٧٨/ ٦ی سەرماوەز لە کۆبوونەوە و دانیشتنى دامەزراندنى حیزبدا بابەتى 'باشە ئێمە دەتوانین لە بەرامبەر ئەو دۆخەی کوردستان و راستیى کۆمەڵگەى کورد چی بکەین؟' خرایە گفتوگۆیەوە و راگەیاندرا 'ئێمە دۆخی هەبوون بەڕێوەدەبەین و ناوبردن و سڕینەوە قبوڵ ناکەین، ئێمە ڕادەپەڕین و تێکۆشان گەش دەکەین. بۆ ئەوەش دەبێت ئێمە ببین بە حیزب. بۆ دەستپێکردنى خۆڕاگری دەبێت ئێمە ببینە حیزبی پێشەنگ'. بڕیاری دامەزراندنى پەکەکە بەو شێوەیە درا. لەبەر ئەوەش ٢٧ی تشرینى دووەم (٢٧ی نۆڤەمبەر) لە تێکۆشانی ئێمە و گەل دا رۆژێکى مێژوییە".

 

پەکەکە حیزبی رێبەرایەتییە

 

قەرەیلان سەرنجی خستە سەر ئەوە، کە پەکەکە حیزبێکى کلاسیک نییە و وتیشی "راستە ناوی حیزبی پێوەیە، بەڵام لە حیزب ناچێت. پەکەکە هزرێک، فەلسەفەیەک، رۆح و گیانێک و رێگایەکى ژیانە. بەشداربوون لە پەکەکەدا نە جەستەیى و نە ماددی. پەکەکە حیزبی رێبەرایەتییە. لە کەسایەتیى ریبەر ئاپۆدا راستیى رێبەرایەتى چەسپاوە، فەلسەفە و ئایدۆلۆژیا و بەرنامەى خۆی پێشکەش کردووە و حیزبیبوونی پەکەکە بەو شێوەیە بەرەوپێشچووە. جیاوازیى پەکەکە و حیزبەکانى تر لەوەدایە، کە راستیى رێبەرایەتیى تیادایە و ناکرێت لە یەک جیابکرێنەوە. لە مێژوودا ژمارەیەکى زۆر حیزب دروستبوون، کە پێشەنگایەتیى شۆڕشیان کردووە و خاوەنی رێکخستنێکى گەورەن. لە بەرنامەى ئەو حیزبانەدا بۆ بوون بە ئەندام مەرجی وەک 'قبوڵکردنى بەرنامەى حیزب، دانى ئابوونە و بەشداریکردن لە کۆمیتەى حیزبدا' دانراون. بەڵام بۆ پەکەکە، ئەو پێوەرە تەنها لە ناو لایەنگرانى پەکەکەدا هەیە. ئاستى بەشداربوونی لایەنگرانى پەکەکە زۆر لەوەش زیاترە. پەکەکە زیاتر لەوەى حیزب بێت، فەلسەفەیەکە. لەبەر ئەوەش دەبێت بەشداربوونێکى رۆحی و هۆشمەندانە هەبێت. پێش هەموو شتێک دەبێت بڕوایەکى بەهێز بوونی هەبێت. کاراکتەر و پێوەر بۆ بەشداربوون لە پەکەکەدا ئەوانەن".

 

کادێرى پێشەنگ بۆ کۆمەڵگە دەبێتە نمونە

 

قەرەیلان رایگەیاند، بەشداربوون لە پەکەکەدا بەشێوەى هەڕەمەکی رووی نەداوە و راشیگەیاند "ئەو پێوەرانە بە گفتوگۆکردن دروست نەبوون. کاتێک بزووتنەوەى ئاپۆیى هێشتا دەستەیەک بوون و دواتر حیزب دامەزرا و دەستى بە تێکۆشان کرد، ئەو پێوەرانە دروستبوون، کە پێشەنگایەتیى شۆڕشگێڕی تەنها بەو شێوەیە دەتوانێت بخوڵقێت. لە کوردستان ئەگەر تۆ بە رۆحێکى فیداکارانە بەشدار نەبیت و بە بڕوایەکى بەهێزەوە نەجوڵێیتەوە ئەوا ناتوانیت ببیت بە پێشەنگ. خاڵێکى تریش ئەوەیە، دەبێت میلیتانى پێشەنگ لە هەموو روویەکەوە نمونە بێت. ئەگەر پێشەنگ بێت، دەبێت بە شێوازەکانى، ژیان، ئوسلوب، فیداکارییەکانى لە پێشەوە بێت. کەسانى پێشەنگ دەبێت بەو شێوەیە بۆ کۆمەڵگە و مرۆڤایەتى ببن بە نمونە. دەبێت بڕوا بە کۆمەڵگە ببەخشێت. لەو رۆژەوە پەکەکە دامەزراوە و تاوەکو ئێستا کورد سەیری رێگا و شێوازى ژیانەکەى کردووە و بەو هۆیەوە بڕواى پێکردووە.

 

پەکەکە دەروازەیەکى حەقیقەتە

 

پێویستیى شێواز و رێگاى بەشداربوون لە پەکەکەدایە، کە پێوەری کادێربوون دەستنیشان دەکات. ئەوانەى بڕوایەکى زۆر بەهێزیان هەیە دەتوانن لەسەر بنەماى ئەو پێوەرانە بەشداریى دۆزی ئازادی بکەن. بۆیە رێبەر ئاپۆ وتویەتى 'پەکەکە رۆمانێکی ناکۆتایە'. ئەگەر لە دڵی مرۆڤدا ئەوین و بڕوایەکى گەورە نەبێت ناتوانێت پێشەنگایەتى بکات. لە پەکەکەدا لایەنى ورە و موراڵ زۆر بەرزە، بڕوا بەرزە و هاوڕێیەتى و هەڤاڵێتى پیرۆزە. ژیانێکى تاکەکەسی نییە، بەڵکو ژیانێکى پێکەوەیى و هەرەوەزییانەیە. لەبەر ئەوەش پەکەکە حیزبێکى پێشەنگە، کە بە هەموو شێوەیەک بۆ کۆمەڵگە بووەتە نمونە. ئەوانەى بەشداری پەکەکە دەبن، دەبنە بەهای گەل. دواى ئەوەى بەشداربوون لە ناو ریزەکانى پەکەکەدا روویدا، هەموو کوردستان بۆی دەبێتە ماڵ و هەموو گەلی کوردیش دەبێتە بنەماڵەکەى. دەبێت بنەماڵەى گەریلاکان بەهۆی پێشەنگبوونی رۆڵەکانیانەوە، سەربەرز بن پێیان. بەم بۆنەیەوە ئێمە رێزی خۆمان پێشکەشی هەموو دایکانى شەهیدان دەکەین. ئەگەر بە هەست، بیر و بڕوای گەورەوە بجوڵێنەوە دەتوانن بەشداری پەکەکە ببن. لەبەر ئەوەش پەکەکە دەروازەیەکى راستی و حەقیقەتە و تەنها حیزبێکى سیاسی و سەربازی نییە.

 

رێگایەکى رێبەرایەتى ژمارەیەکى زۆر قارەمانى ئافراند

 

ئەگەر رێگای رێبەربوون و پیشەنگایەتیى رێبەر ئاپۆ نەبوایە ئەو لە ناو پەکەکەدا ئەو ئیرادەیە دروست نەدەبوو. قارەمانانی وەک مەزڵوم دۆغان، کەماڵ پیر، مەعسوم کۆرکماز، بێریتان، زیلان، محەمەد تونچ و چیاگەر نەدەئافرێنران. ئەگەر رێبەر ئاپۆ و پەکەکە لەو بێدەرفەتییە زۆرەى کوردستاندا تێنەکۆشانایە، لە ناو کورد دا ئەوەندە پێشکەوتن رووی نەدەدا. ئەوانەى لە ئاوی پەکەکە دەخۆنەوە بە فیداکاری و ئازایەتى بەرەوپیشەوە دەچن و ئەو بەها مرۆڤایەتییانە بەهێز دەکەن. شەهید محەمەد تونچ کەسێکی لەو جۆرەیە. لە قۆناغی بەرخوداندا محەمەد تونچ لە بەرخودانى جزیر دا شەهادەتی لە بەرچاو گرتبوو و وتبووی 'ئێمە سەر دانانەوێنین، با ئەوانەى دواى ئێمە پێمان سەربەرز بن'. ئەو بڕیارمەندی و پێداگری و رۆحێکى فیداییانەیە. ئەو پێداگری و بڕیارمەندییە لە زانکۆى پەکەکەدا بەدەست دێت. لە زانکۆی پەکەکەدا هەر کەسێک تا چەند لە بابەتەکان وردبێتەوە بەو رادەیە بڵند دەبێتەوە. پەکەکە لەو کەسانە کە بچووککراونەتەوە و تێکشکێنراون، قارەمانى گەورە دەئافرێنێت. ئایدۆلۆژی و هۆشمەندی و تێگەیشتنى پەکەکە ئازایەتییەکى گەورە و فیداکارییەکى بێبەرامبەر و خۆبەخشانەی خوڵقاندووە".

 

سڵاو لە بەرخودان و خۆڕاگریى زیندان

 

قەرەیلان لە قسەکانیدا سڵاوى بۆ زیندانیانی ناو زیندانەکان نارد و وتى "من جەژنی حیزب لە هەمووان پیرۆز دەکەم. تێکشکاندنی گۆشەگیری لە ئیمرالی و تێکۆشان بۆ ئازادیى ریبەر ئاپۆ ئەرکی ئێمەیە. لە زیندانیشدا لە دژی ئەوانە بەرخودانێک هەیە. دەوڵەتى تورکیای داگیرکەر سیستمى ئەشکەنجەى ئیمرالیى بەسەر هەموو زیندانەکانى تورکیا و کوردستاندا سەپاندووە. لە هەموو زیندانەکاندا زوڵمێکى گەورە ئەنجام دەدرێت. ئێمە ئەوەمان بینی، دادگای مافی مرۆڤی ئەوروپا بۆ سەڵاحەدین دەمیرتاش بڕیارێکى دەرکرد و رایگەیاند، سیستمى یاسای و حقوقیی تورکیا ناهەقە و ناهەقی دەکات. هاوکات سیاسەتمەداری هێژا لەیلا گیوڤەن بەرخودانێکى دەستپێکردووە. بەرخودان لە دژی زوڵمی سەر سیاسەتى کورد و لە دژی گۆشەگیریى سەر رێبەرئاپۆ زۆر مانابەخشە. لەسەر ئەو بنەمایە ئێمە سڵاو لە هەموو بەرخودێرانی زەحمەتێکش و شۆڕشگێڕ دەکەین".

 

دەیانەوێت بە پیلانگێڕی گەشەى بزووتنەوەى ئاپۆیى ئاستەنگ بکەن

 

قەرەیلان سەرنجی خستەسەر بڕیارى ئەمریکا لە دژی کادێری ٣ پێشەنگ و لەوبارەیەوە رایگەیاند "ئەمریکا بەم بڕیارەى ئەمدواییەى پیلانگێڕییەکەى نوێ کردەوە. باشە بۆ وایکرد؟ چونکە پلانگێڕیى نێودەوڵەتى لەبەریەک هەڵوەشێنراوەتەوە. ئامانجی پیلانگێڕییەکەیان ئەوەبوو، کە هزر و رامان و ئایدۆلۆژیاى رێبەر ئاپۆ بسڕنەوە و بزووتنەوەى ئازادی پاکتاو بکەن، بەڵام ئایدۆلۆژیا و فەلسەفەی رێبەر ئاپۆ لە هەموو کات زیاتر بەهێزترە. چەند بەشێکى گرنگ هەیە کە گرنگی بە پارادیگمای رێبەر ئاپۆ دەدەن. هاوکات تێکۆشان بۆ ئازادیى رێبەر ئاپۆ ئیتر نەک تەنها لە کوردستان، بەڵکو لەلایەن گەلانەوە بەڕێوەدەچێت. گەورەترین سەندیکای بەریتانیا پێشەنگایەتیى کەمپەینى ئازادیى بۆ رێبەر ئاپۆ دەکات. شۆڕشگێڕانى رێبەر ئاپۆ خاوەنداری لە رێبەر ئاپۆ دەکەن. زۆر کەس رایانگەیاندووە، هەر چۆن بۆ نێڵسن ماندێلا تێکۆشاون بەو شێوەیەش بۆ رێبەر ئاپۆ تێدەکۆشن".

 

ناتوانن بە پیلانگێڕى نوێ بە ئەنجام بگەن

 

قەرەیلان ئاماژەى بەوەکرد، بڕیارەکەى ئەمریکا نوێکردنەوەى پیلانگێڕییەوە و ئەوەشى وت "بەڵام ئیتر ناتوانن ئەنجامێک بەدەست بخەن، چونکە تێکۆشانی ئازادیى گەلی کورد رێگایى درێژی بڕیوە و لە رۆژهەڵاتى ناوەڕاستدا بووەتە حەقیقەتێک. ئیتر نابێت و ناکرێت ئەو حەقیقەتە بشادرێتەوە. لەگەڵ زەمەن دا ئەو حەقیقەتە بەرەوپێش دەڕوات و گەشە دەکات. گەلەکەمان لە دژی گۆشەگیری و پیلانگیڕیى بۆ ئازازادیى رێبەر ئاپۆ تێدەکۆشێت. ئەو تێکۆشانە دەبێت گەشتر و بەهێزتر بکرێت. ئێمە لەو بڕوایەداین رۆژ بە رۆژ ئەو تێکۆشانە گەشتر دەبێت. ئەوە ئەرکی سەر شانی ئێمەیە. زۆرترین بەرپرسیارێتى دەکەوێتە سەر شانی ئێمە و بەڕێوەبەرانى ئەم بزووتنەوەیە. رۆژێک کە رێبەر ئاپۆ ئازاد ببێت، ئێمە دەتوانین بڵێین کە ئەور ۆژە پیلانگێڕییەکە تێکشکێنراوە. تاوەکو رێبەر ئاپۆ ئازاد نەبێت ئێمەی شۆڕشگێڕانى کوردستان و گەریلاکانى ئازادیى کوردستان ناتوانین بڵێین، سەرکەوتوین. ئازادیى رێبەر ئاپۆ ئازادیى کوردستانە. ئامانجی ستراتیژیمان ئەوەیە. بە گەشکردنی تێکۆشان دەبێت گۆشەگیریى سەر ئیمراڵی تێکبشکێنرێت و تێکۆشان بۆ ئازادیى رێبەر ئاپۆ گەشتر بکرێت".

 

توندوتیژی لە دژی ژنان عەقڵییەتى باوکسالارییە

 

قەرەیلان ئاماژەى بە تێکۆشانی ئازادیى ژنان کرد و وتى "ئێمە سڵاو لە تێکۆشانى ئازادیى ژنان دەکەین. تێکۆشانی ژنان لە کوردستان لە دژی باوکسالاری رۆژ بە رۆژ لە گەشەسەندندایە. ئێمە تەنها بە ئیدانەکردنى توندوتیژی لە دژی ژنان راناوەستین، بەڵکو دەبێت توندوتیژی نەمێنێت. ئەوە بەرپرسیارێتیى ئێمەیە. توندوتیژی لە دژی ژنان بەهۆی عەقڵییەتى باوکسارییەوە ئەنجام دەدرێت. دەبێت ئێمە عەقڵییەتى دەسەڵاتخوازانەی پیاوان نەهێڵین. هەڵوێستى پەکەکە لە دژی توندوتیژیى دژ بە ژنان هەڵوێستێکى بەهێزە. وەک دەزانرێت تێکۆشانی ئازادیى ژنان کە رێبەر ئاپۆ خستوویەتییە رۆژەڤەوە، ژنانى کوردی بەهێزتر کردووە. ئەو تێکۆشانە لە کوردستان لە دژی توندوتیژیى دژ بە ژنان هەڵمەتێکى گەورەیە و ئەمڕۆ کاریگەریى لەسەر رۆژهەڵاتى ناوەڕاست دروستکردووە. دەبێت بۆ ئازادیى کۆمەڵگە و کەسەکان، لە پێش هەموو شتێکەوە ژنان ئازاد ببن. پەکەکە لەسەر ئەو بنەمایە دامەزراوە. پەکەکە حیزبی ژنانە و حیزبی تێکۆشانی ئازادیى ژنانە. لەسەر ئەو بنەمایە بوون و تێکۆشانی پەکەکە تێکۆشانی ئازادیى ژنانە".

 

پرۆژەی بونیاتنانەوەى نوێ

 

قەرەیلان لە قسەکانیدا چالاکییەکانى رۆژانی ٩ و ١٠ی تشرینى دووەمی ٢٠١٨ پیرۆزکرد و رایگەیاند "ئەوە هەڵمەتێکی گرنگە. بەڕێوەبەریى بزووتنەوەکەمان ئەو هەنگاوەی پیرۆز کردبوو. ئەو هەڵمەتە شێوازێکى نوێییە و چالاکیى لەو شێوەیە بەردەوامییان دەبێت. ئێمە پرۆژەى بونیاتنانەوەى نوێمان گرتووەتەبەر. لەسەر ئەو بنەمایە ئێمە دەمانەوێت لەناو گەریلادا گۆڕانکارییەکى گەورە ئەنجام بدەین و گەریلای نوێ بونیات بنێین. پرۆژەى بونیاتنانەوەى نوێ تەنها پرۆژەى پێشخستنى تەکنیک و تەکنەلۆژیا نییە، بەڵکو لەگەڵ ئەو پرۆژەیەدا لە رووی شێواز و بارەگاکانى گەریلا، شێوازی ژیان و شەڕی گەریلا دا هەوڵ دەدەین گۆڕانکاری ئەنجام بدەین. لەگەڵ ئەوەدا ئێمە دەمانەوێت تەکنەلۆژیاى هاوچەرخ بەکار بهێنین و بیخەینە خزمەتى شۆڕشەوە. لەسەر ئەو بنەمایە گەریلا کار لەسەر تەکنەلۆژیا دەکات. ئەوەندەى بکرێت گەریلا تەکنەلۆژیا بەکار دەهێنێت، بەڵام خاڵی سەرەکی ئەوەیە کە دەبێت ئێمە گەریلایەک بخوڵقێنین، کە لە دیسپلین دا بەهێز بێت، لە خۆشاردنەوەدا بەهێز بێت و هەواڵگریى دوژمن تێکوپێک بدات. ئەوەش بە شێوازى نوێ ئەنجام دەدرێت. ئەگەر گەریلا تەلەفون و ئینتەرنێت بەکاربهێنێت ئەوە نابێتە گەریلا سەردەمی نوێ. دەبێت گەریلای سەردەمى نوێ بزانێت کاتێک توانیى هەواڵگریى دوژمن تێکبدات ئەوە ئەو سەردەکەوێت. دەبێت لەو تەکنەلۆژیایە دوور بکەوێتەوە کە بۆ دوژمن دەبێتە سەرچاوەى سیخوڕی و هەواڵگری. ئێستا گەریلا وەک پێشتر بچێتە ناو گوندەکان نابێت، پێشتر ئەوە دەکرا، بەڵام ئێستا دەبێت جیاواز بێت. بە کورتی دەبێت گەریلا بە پلان بێت، بە دیسیپلین بێت و دوژمن نەتوانێت بە هەواڵگریش زانیاریى دەست بکەوێت. بە هەڵوێستێکى پرۆفیشناڵانە گەریلا دەتوانێت گورزی قورس لە دوژمن بدات. بۆ ئەوەى زانیاریى هەواڵگری بە دەستى دوژمن نەگات دەبێت برسیبوون و تینوبوون بۆ ماوەى چەند رۆژە لەبەرچاو بگرن بۆ ئەوەى نهێنى بوونی خۆیان بپارێزن. ئێمە دەمانەوێت گەریلایەکى بە پلان و بە دیسیپلینى لەو جۆرە بونیات بنێنین. ئامانجی پرۆژەکەمان ئەوەیە. لەپاڵ ئەوەشدا تەکنەلۆژیا شوێنى خۆی هەیە، بەڵام ئەوە هەڵەیە کە مرۆڤ هەموو شتێکى خۆی بە تەکنەلۆژیاوە ببەستێتەوە و وا لە خۆی بکات کە ئیتر تەنها بە تەکنەلۆژیا شەڕ دەکرێت و هەر بەوە شەڕ بکات. لێکدانەوەى لەو جۆرە هەڵەیە. گرنگ ئەوەیە کە ئێمە بە چڕی سەرنج بخەینە سەر خاڵە سەرەکی و بنەڕەتییەکان. وەک وتم، خاڵی سەرەکی ئافراندنى ئاست و شێوازی سەرەکیى گەریلای نوێیە لە دژی دوژمن".

 

دەوڵەتى تورک بە ئامانجەکەى نەگەیشت

 

قەرەیلان سەرنجی خستەر سەر ئەوەش کە گەلی کورد لە بەرامبەر داگیرکەریى تورکیادا ئەمڕۆ لە ٣ پارچەى کوردستاندا تێدەکۆشێت و ئەوەشى وت "ئەو تێکۆشانە گەیشتووەتە ئاستێکى نوێ. دەوڵەتى تورکی فاشیست چیى لە دەست هات ئەنجامی دا. گۆشەگیریى بەسەر رێبەر ئاپۆدا سەپاند، شەڕێکى گەورەیى دەروونیى بەڕێوەبرد، زوڵمێکى زۆر گەورەى لە سیاسەتى کوردان کرد، قەیومی سەپاند بەسەر شارەوانییەکاندا، ژمارەیەکى زۆر هاوسەرۆک شارەوانیى زیندانیکرد. ئیدی تەحمولی دەوڵەتى تورک بەرامبەر بە موختار و ئەنجوومەنە کوردەکانیش نەماوە. دوژمنایەتى لە دژی کوردی ئازاد دەکات. هەر دەیەوێت هەموو کورد بسڕێتەوە. دەوڵەتى تورک تەنها بە داگیرکردنى عەفرین، یەکێک لەو شتانەی کە دەیخواست بە دەستیهێنا. ئەویش ئەنجامەکەى بە کوێ دەگات و چی دەبێت هێشتا روون نییە. لە عەفرین هێشتا شەڕێک لە ئارادایە و گەلەکەمان لەوێ خۆڕاگری و بەرەنگاری دەکات. عەفرین بۆ دەوڵەتى تورک نامێنێتەوە. جگە لە عەفرین لە هیچ شوێنێک هیچ ئەنجامێکى بەدەستنەهێناوە. دەوڵەتى تورک لەمدواییەدا وتی، لە ساڵێکدا لە دژی گەریلا ٨٧ هەزار ئۆپەراسیۆنى ئەنجامداوە. یانى هەموو ئابووریى خۆیان بۆ شەڕ بەکارهێناوە و خەرجییەکى گەورەیان کردووە، بەڵام دیسانەوە ناتوانێت سیستمى گەریلا هەڵوەشێنێتەوە. ئەمڕۆ سیستمى گەریلایمان لە هەموو ئەیالەتەکاندا لە کاردایە. لە هیچ شوێنێکدا گەلەکەمان هەنگاوی بۆ دواوە نەناوە. لە هەڵبژاردنى ئەمدواییەدا دەرکەوت گەل لە بەرامبەر زوڵمدا خۆی دەپارێزێت و هەڵوێستى گەل لە بەرامبەر داگیرگەری نەگۆڕاوە. داگیرکەرانى تورک هیچ ئەنجامێکیان بەدەست نەهێناوە. ئەگەر دەوڵەتى تورک ئەنجامى بەدەستبهێنایە، ئەوا پێویستیان بە بڕیارەکەى ئەمریکا نەدەبوو. لەبەر ئەوەى دەوڵەتى تورک سەرنەکەوتووە ئێستا دەیانەوێت دیسانەوە پیلانگێڕێیەکە زیندوو بکەنەوە".

 

پرۆژەى بونیاتنانەوە لە ٤١هەمین ساڵیادى تێکۆشانی پەکەکەدا دەچێتە بواری جێبەجێکردنەوە

 

قەرەیلان رایگەیاند، دوژمن خۆی بە تەواوی سەفەربەر کردووە، بەڵام سەرنەکەوتووە. راشیگەیاند "ئێمە بەرەنگاری و بەرخودانمان کرد، خۆمان پاراست، گەلێک کەسمان شەهید بوون، بەڵام بە بەراورد بە سەردەمەکانى پێشووتر لە ئاستى بەڕێوەبەریدا ژمارەی شەهیدەکانمان زیاترن. تێکۆشانی ئێمە بە بەرخودان و رەنجێکى گەورە ئەنجام دەدرێت. ئەوە دەریدەخات کە ساڵی داهاتوودا ئەو تێکۆشانە لە ئاستێکى گەورەتر و بڵندتردا بەڕێوەدەچێت. گەریلا ئامادەکاریى کردووە. گەریلا ماوەی ٢ ساڵە سەر پرۆژەى بونیاتنانەوەى نوێ کار دەکات و  لە ٤١هەمین ساڵی تێکۆشانی پەکەکەدا، واتە لە ساڵی ٢٠١٩ دا ئەو پرۆژەیە دەخاتە بواری جێبەجێکردنەوە. بەڵام ئێمە دەزانین بابەتەکە تەنها گەریلا نییە. لە ناو گەلیشدا هەوڵدان هەیە، ئەوانە یەکتر تەواو دەکەن. گەلەکەمان پێدەنێتە قۆناعێکی نوێى تێکۆشانەوە. دەبێت هەموو کەس بە باشی لەوە تێبگات. دەبێت هەموو کەس بەپێى ئەوە خۆی ئامادە بکات. ئێمە دەتوانین بەو شێوەیە ساڵێکى نوێى تێکۆشان لە ئاستێکى باڵادا بەڕێوەببەین. ئامادەکاریمان هەیە و بناغەیەکى بەهێزی هەیە. کاتێک ئێمە دەڵێین، ئێمە هیوادارین ئەوە تەنها قسەیەک نییە، بەڵکو بەرخودان تاوەکوم ئەمڕۆ ئەو بناغەیەى دروستکردووە. هەڵوێستى بەرخودێرانەى رێبەر ئاپۆ و گەلەکەمان پەیامە بۆ ئێمە. لەو چوارچێوەیەدا لە ٤١هەمین ساڵی تێکۆشانى پەکەکەدا ئێمە دەمانەوێت هەنگاوی نوێ هەڵگرین. ئێمە دەمانەوێت ٤١هەمین ساڵی پەکەکە بکەینە ساڵی سەرکەوتن. بەو هیوایە و بەو بڕوایەوە لە ٤١هەمین ساڵی تێکۆشاندا لە رێگای ئازادیى رێبەر ئاپۆ و ئازادیى کوردستان دا سەرکەوتن بۆ هەموو گەلەکەمان، دۆستان، هەڤاڵان و هاوڕێیان دەخوازم و جارێکیتر جەژنی حیزبیان لێ پیرۆز دەکەم".

 

سەرچاوە: ئاژانسی هەڤاڵی ANF

 

 

بەشداری پێکردنى تورکیا لە هاوپەیمانیى نێودەوڵەتیدا بۆ ئەنجامدانى هێرش بوو لە دژی پەکەکە...

 

رێبه‌ر ئاپۆ راستینه‌ ترسناکه‌که‌ی کورد واته‌ خیانه‌تکاری بینی و به‌رهه‌ڵستکارییه‌که‌ی له‌ به‌رامبه‌ر ئه‌مه‌دا نیشان دا...

 

هه‌ندێک له‌ هونه‌رمه‌نده‌ کورده‌کان بۆ بازرگانی‌کردنی به‌رهه‌مه‌ کلتورییه‌کانیان هه‌ڵده‌ستن ژن وه‌ک ئامێرێک به‌کار ده‌هێنن و وه‌ک ئامرازێک بۆ زیاتر به‌کاریگه‌رکردنی فرۆشیارییه‌کان...